Ads 468x60px

الأربعاء، 25 يناير، 2012

هتافات المتظاهرين تهز الميدان





تفنن المتظاهرون فى تأليف وترديد الشعارات والهتافات أثناء مسيراتهم إلى ميدان التحرير، وأثناء تواجدهم فى الميدان، واهتز فضاء المحروسة بأصوات المتظاهرين، واعتمدوا على السجع والقوافى فى إيصال كلماتهم التى تمحورت حول المطالبة برحيل حكم العسكر ومحاكمة فعلية لرموز النظام السابق.

ففى المسيرة التى انطلقت من كلية الفنون ردد المتظاهرون "عسكر يحكم تانى ليه.. ويسقط يسقط حكم العسكر ... يا أهلينا انضموا لينا الثورة ليكم ولينا".
أما فى مسيرة جامع الفتح فقالوا "ياللى واقف على الرصيف قولى فين حق الرغيف" و"التغيير يعنى حرية والحرية تمنها كبير، يسقط يسقط حكم العسكر" و"ارحل ارحل يا مشير الشعب اتهان، واحد اتنين تسليم السلطة فين، يا نجيب حقهم يا نموت زيهم".

وعلى منصة الإخوان فى التحرير ردد المتظاهرون "تسقط تسقط إسرائيل"، وهنرددها جيل ورا جيل بنعاديكى يا إسرائيل"، هتلر باشا قالها زمان الصهيونى لازم يتهان" و"يا صهيونى خاليكوا فاكرين إحنا شباب 25 " و"باطل باطل حسنى مبارك وعلى عبد الله وبشار الأسد باطل".
وردد المتظاهرون بالتحرير "مطالبنا هى مطالب الشعب، إنهاء حكم العسكر، إلغاء المحاكمات العسكرية، محاكمات ثورية للفاسدين وقتلة الثوار، إنهاء حالة الطوارئ فعليا".

وفى مسيرة الأزهر هتف المتظاهرون "عسكر يحكم مدنى ليه هى وراثة ولا إيه، ولا بنخرب ولا بنكسر إحنا بنهتف ضد العسكر".

مسيرة المعادى، "يا أهالينا انضموا لينا" و"يسقط يسقط حكم العسكر" يا حرية فينك فينك حكم العسكر بينا وبينك" و"عيش حرية عدالة اجتماعية" و"الحرية يا مشير الشرعية من الميدان".
أما مسيرة جامعة القاهرة فهتفت "منه لله اللى خرب مصر"، "لا دستور تحت حكم العسكر"، "يا شهيد يا شهيد مش ناسيينك يا شهيد"، "يادى الذل ويادى العار..أخ بيضرب أخوه بالنار"، مرددين هتافات ""لا سياسة ولا أحزاب..المجلس لازم له حساب" وغيرها من الهتافات مثل "حكم العسكر باطل..المشير باطل".

ومسيرة حراس الثورة هتفت "يا شهيد نام وارتاح وإحنا نكمل الكفاح، يا شهيد نام واتهنى واستنانا على باب الجنة"، و"يا طنطاوى قول لعنان لسة الثورة فى الميدان".

وفى مسيرة طلاب عين شمس، "سامع أم الشهيد بتنادى..هاتوا حق ولادى" و"الشعب يريد إسقاط النظام"
وفى مسيرة الهرم، "يسقط يسقط حكم العسكر"، "لا لدستور فى وجود المجلس العسكرى"، "عيش حرية عدالة اجتماعية"، و"يا قضاء ياعالى..حسنى عليكم غالى"، و"انزلوا من بيوتكم ..عايزين نجيب حقوقكم"، "يا أهالينا انضموا لينا".
فى الوقت نفسه دشنت مجموعة "كلنا خالد سعيد" على موقع التواصل الاجتماعى "فيس بوك" حملة لجمع أكبر عدد من الشعارات، وهى:

"ايـــــــــد واحـــده يا مصريين .. مين يقدر علينا ..مين ؟
الرئيس قبل الدستور يالا يا مجلس ارحل غور - يا طنطاوى قول لعنان احنا كرهنا كل جبان - اهتف اهتف علّى الصوت مهما قتلنا مش هنموت - يا أهلينا انضموا لينا قتلوا محمد قتلوا مينا دم الشهيد فى رقبينا - يسقط يسقط حكم العسكر ..إحنا الشعب الخط الأحمر - على الصوت قولها قوية...مصر دى دولة مدنية.

يسقط يسقط حسنى مبارك ارحل.. ارحل - يا شهداءنا مش ناسينكو ..هو النصر لإما نجيلكو - ثورتنا ثورة شعبية ..مش شوية عباسية ..ثورتنا ثورة شعبية ..ولا مرتزقة ولا بلطجية - عهد عليا ياشهيد..لأجيبلك حقك من جديد - عهد عليا ياشهيد..لألبس أسود يوم العيد - أنا مش حاسس بالتغير ..من النهاردة أنا فى التحرير - مش ماشى تانى من التحرير .. قاعد قاعد فى التحرير -الأسفلت عملتو سرير .. يسقط يسقط المشير - اللى بيشهد زور للقاضى ..يبقى عميل لمبارك الواطى- اللى باع دم الشهداء.. عمرنا بية ما هنبقى سعدا - يامشير قول أخبارك .. قولى مين فى الشعب اختارك - جيشها بيحمى على الحدود..ورئيس مدنى يكون موجود - يا عنان قول لحسين الثوار ضحوا بالعين - فى عز الساقعة وعز البرد ..صوت الثورة يدفى التلج ..وادى الدنيا كمان بتمطر .

يسقط يسقــط حكم العسكـــــر - اهتف قول من غير ماتفكر..يسقط يسقط حكم العسكر - اكتب .. اكتب بالطباشير يسقط .. يسقط المشير - سلم ..سلم يا جبان لسه الثورة فى الميدان - مطلب مطلب للجماهير ... ريس مدنى وعزل مشير - الجيش المصرى على رأسنا ... والمجلس ناوى يقرطسنا.

: Share this article

 

إجمالي مرات مشاهدة الصفحة